22 - கிரகாம் தெரு

22 ஆம் எண் பேருந்து கிரகாம் தெரு வழியாக டௌன்டவுன் (டவுன்) செல்லும் வண்டி. அனேக நேரங்களில் ஆப்ரிக்க அமெரிக்கர்கள் பயணிக்கும் இந்த பேருந்தில் அலுவலக நேரங்களில் மற்றொரு கூட்டமும் பயணிப்பது உண்டு - ஆப்பிரிக்காவில் இருந்து வந்து மெருகு ஏறிய இந்தியர்கள், மெருகு ஏற மறுக்கும் இந்தியர்கள். இப்பேருந்தின் பெயர்தான் லோக்கல் ஆனால் நம்ம ஊர் சொகுசு பேருந்துக்கு மேலான பொருத்தங்கள். குஷன் இருக்கை, குளிர் சாதனம், தானியங்கி கதவுகள், குதிக்கும் ஓட்டுனர் இருக்கை, நோட்டமிடும் படபிடிப்பான்கள், அறிவிப்பான் என ஏக பொருத்தங்கள்.

பொருளாதாரத்தில் பின் தங்கியுள்ள மக்கள் சொந்த வண்டி இல்லாத காரணத்தால் மட்டுமே பயன்படுத்தும் போக்குவரத்து இது. அதில் ஆப்ரிக்க அமெரிக்கர்கள் பயணிப்பது ஒன்றும் ஆச்சரியம் இல்லை. வியப்பு இதில் கணிசமான அளவு கூட வெள்ளையர்கள் இல்லையே என்பதுதான். இதை அடிமைத்தனத்தின் அழியா சுவடு என்றுதான் சொல்லவேண்டும். இந்த பயணத்தை விட்டொழிக்கும்படி இவர்கள் முன்னேற காலம் உதவலாம், ஆனால இந்த பேருந்தை நிரப்ப இன்னொரு கூட்டம் உருவாக்கப்படும் என்பதில் எனக்கு சந்தேகம் இல்லை.

கணிசமான வருமானம் ஈட்டும் கணினி பொறியியலாளர்களாக பணியாற்றிடும் இந்தியர்களுக்கு இந்த பேருந்தில் என்ன வேலை என்ற கேள்வி எழும். வண்டி ஓட்டத் தெரியாதவன், ஓட்ட இயலாதவன், கார் வாங்க விருப்பமில்லாதவன், மிகுதியாக அலுவலர்கள் பயணிக்கும் விரைவு பேருந்தை தினமும் தவற விடுபவன் என பலதரப்பட்ட இந்தியர்கள் இதில் பயணிப்பதுண்டு. இது லோக்கல் என்று அழைக்கபடுவதற்கு காரணம் வெறும் 10 மைல் தொலைவை கால் மைலுக்கு ஒரு நிறுத்தம் என்ற கணக்கில் 40 வினாடிகள் எடுத்துக் கொள்வதுதான். நீங்கள் யூகித்தது போல் இப் பேருந்தை இயக்கும் அனேக ஓட்டுனர்களும் ஆப்ரிக்க அமெரிக்கர்களே. இனம் இனத்தோடு சேரும் என்ற சொல் மெய்யே.


நம் ஊர் பேருந்துகளை போலவே சரியான சில்லறை கொண்டுவர வேண்டும். இல்லையேல் நடத்துனரை நச்சரித்து சில்லறை வாங்க இயலாது இந்த ஊரில். சரி வாகன நடத்துனரும் கருப்பரா? இல்லை. அவர் மூன்று அடி மட்டுமே உள்ள, நாடியற்ற, மூச்சற்ற தானியங்கி இயந்திரம். சிட்டி போன்ற நடக்கும், பறக்கும் திறன் கிடையாது. ஆனால் வசூல் ராஜா பாணியில் சரியாக பைசா வசூல் செய்யும் திறமை உடையது. டாலர் நோட்டை திணிக்க ஒரு பகுதி, சில்லறை காசுகளை கொட்ட ஒரு பகுதி, மாதாந்திர அனுமதி அட்டையை திணிக்க ஒரு பகுதி என ஏக ஏற்பாடு.

பயணம் தொடரும்.....

விவரம் மிக முக்கியம் கண்ணா!

Steve Jobs உடனான  தன் அனுபவம் பற்றி Vic Gundotra தனது G+ பக்கம் வழியாக பகிர்ந்துகொண்டதின் தமிழாக்கம்.

ஜனவரி 6 2008  மத சடங்குகளில் இடூபட்டிருக்கும் பொழுது மறைக்கபட்ட தொலைபேசி எண்ணில் இருந்து ஓர் அழைப்பு வந்தது. சடங்குகளில் மும்முரமாக இருந்ததாலும் அறிவிப்பில்லாத எண்ணாக இருந்ததாலும் அழைப்பை ஏற்க முனையவில்லை.

பிறகு வீடிற்கு செல்வதற்காக குடும்பத்தினருடன் வாகனத்தை நோக்கி செல்கையில் Steve Jobs இன்  "Vic, அவசர செய்தி ஒன்று இருக்கிறது, என் வீட்டு எண்னை அழைக்க முடியுமா" என்ற SMS. 

Google இன் mobile apps அனைத்துக்கும் மேற்பார்வையாளன் என்ற பொறுப்பின் பல சிறப்புகளில் ஒன்று Steve Jobs போன்றவர்களிடம் அடிக்கடி பேசிக்கொள்ளும் வாய்ப்பு. 

"Steve, Vic பேசுறேன். மன்னிக்கவும். வழிபாட்டில் இருந்தேன், மற்றும் உங்களது தொலைபேசி எண் காட்டப்படவில்லை, அதனால்தான் பேச முனையவில்லை"

சிரித்துகொண்டே "Vic, வழிபாட்டின் போது கடவுள் அழைப்பை தவிர மற்றவற்றை ஏற்க வேண்டியதில்லை." 

இந்த மனிதன் காரணமில்லாமல் அழைக்க மாட்டரே. இப்ப என்ன பிரச்சனையோ என்ற எண்ணம் மனதில் ஓட, பதட்ற்றதுடன் சிரித்துகொண்டு கவனித்தேன்.

"Vic, ஒரு முக்கியமான உடனே கவனிக்க வேண்டிய விடயம். iPhone இல் உள்ள Google app இன் முகப்பு தோற்றத்தின் இரண்டாவது ௦ மீதான மஞ்சள் நிறம் சரியாக இல்லை. இதை உங்களுடன் சேர்ந்து நாளையே சரி செய்ய Greg ய் நியமிக்கிறேன். உங்களுக்கு இதில் உடன்பாடுதானே?"

நிச்சயமாக.

சில நிமிடங்களில் இதே விடயம் "Icon Ambulance" என்ற தலைப்பில் மின் அஞ்சலாக வந்தடைந்தது.

சிறு வயதில் இருந்தே Apple II முதலான பல்வேறு தயாரிப்புகளின் மீதான என் காதல், Microsoft நிறுவனத்தில் வேலை பார்த்த 15 ஆண்டுகளிலும் கூட மாறவில்லை. என் வாழ்வில் ஒரு அங்கமான Apple தயாரிப்புகள், மற்றும் Steve Jobs இன் மீது மிகுந்த அபிமானம் கொன்றிருன்தேன். 

இன்றும் கூட தலைமைத்துவம், லட்சியம் போன்ற விடயங்களை பற்றி சிந்திக்கும் பொழுது Steve Jobs இடம் இருந்து வார விடுமுறை நாளில வந்த இந்த தொலைபேசி அழைப்பு நினைவுக்கு வரும்.

CEO -க்கள் இப்படிதான் இருக்க வேண்டும். சிறிய விடயங்களுக்கும் முக்கியத்துவம் கொடுக்க  கூடியவர்களாக. அது வண்ணமாக இருந்தாலும் சரி.

நான் சந்திக்க நேர்ந்த பெருந் தலைவர்களில் ஒருவரான Steve க்கு என் மனமார்ந்த வாழ்த்துக்கள்.

குறிப்பு : இது Steve Jobs Apple இன் CEO பொறுப்பில் இருந்து  விடைபெற்றுகொண்ட சில நாட்களில் அவர் பற்றி வெளியான பல செய்திகளில் பிரபலமான ஒன்று.